Вработените во Комисијата за односи со верските заедници и религиозни групи учествува во „Генералка викенд“

На ден 08. 05. 2026 година вработените при Комисијата за односи со верските заедници и религиозни групи активно се вклучија во националната еколошка акција „Генералка викенд“, при што беше реализирана акција за чистење и уредување на платото пред зградата „Емануел Чучков“, каде што се наоѓаат канцелариите на Комисијата.

 Со оваа активност, вработените дадоа свој придонес кон создавање почиста, поуредена и поздрава животна средина, испраќајќи порака за општествена одговорност, грижа за јавниот простор и подигање на еколошката свест.

 Комисијата останува посветена на поддршка на иницијативи кои придонесуваат за заедничкото добро, солидарноста и зачувувањето на животната средина.