Комисијата за односи со верските заедници и религиозни групи согласно чл. 29 ст. 1 од Законот за организација и работа на органите на државна управа, а во врска со чл. 2 ст. 1 и чл. 18 ст. 3 од Законот за правна положба на црква, верска заедница и религиозна група како и чл. 6 ст. 1 од Законот за волонтерство, издава мислења на регистрирани цркви, верски заедници и религиозни групи за вршење на верски работи на странски државјани на територија на Р.С. Македонија, на нивно барање, а со цел водење на постапка за воспоставување и регулирање на легален престој во државата на странски државјанин за вршење на верски работи.

Барањето за издавање на мислење заедно со останатите задолжителни документи се поднесуваат лично во просториите на Комисијата или по електронска пошта. Во случај на електронско аплицирање документите задолжително се скенираат во PDF формат и се испраќаат на електронската адреса на Комисијата. Мислењето се издава за лица кои прв пат престојуваат во Републиката или за продолжување на престојот.