Директорката на КОВЗРГ, г-ѓа Оливера Трајковска присуствуваше на прославата на светиот Георгиј Кратовски во Кратово

На ден 24.02.2025 година, на празникот на св. мч. Георгиј Кратовски, Директорката на Комисијата за односи со верските заедници и религиозни групи, г-ѓа Оливера Трајковска присуствуваше на литургиската прослава во Кратово.

По повод празникот во храмот посветен на свети Георгиј Кратовски во Кратово со Светата Божествена Литургија чиноначалствуваше надлежниот архиереј Неговото Високопреосвештенство митрополитот Кумановско-осоговски г. Григориј во сослужение со митрополитот Доростолски г. Јаков од БПЦ, митрополитот Брегалнички г. Иларион, митрополитот Тетовско-гостиварски г. Јосиф, митрополитот г. Јосиф, епископот Велбужскиот г. Исак од БПЦ, епископот Велички г. Никола.

На Светата Литургија верниот народ се причести со Светите Христови Тајни.По Светата Литургија, многубројниот народ го продолжи црковното празнување со литија од храмот  на свети Георгиј Кратовски до градскиот плоштад ,,Павел Шатев”, каде што по извршениот Водосвет, беше благословен и прекршен празничниот леб.