Директорката на КОВЗРГ, г-ѓа Оливера Трајковска упати телеграма со честитки до раководството и верниците на Еврејската верска заедница по повод празникот Песах

Директорката на  Комисијата за односи со верските заедници и религиозни групи (КОВЗРГ), г-ѓа Оливера Трајковска упати телеграма со честитки до Претседателот на Евреската верска заедница, г-дин Пепо Леви, како и до сите припадници на ЕЗРМ, честитајќи им го празникот Песах.

ТЕЛЕГРАМА СО ЧЕСТИТКИ

                        Почитуван г-дин Пепо Леви,

                Дозволете ми  Вам лично и на припадниците на Еврејската заедница во Република Македонија, да Ви упатам најсрдечни честитки по повод големиот празник ПЕСАХ  и одбележувањето на денот кој претставува симбол на непокорноста и желбата за слобода на еврејскиот народ .

            Симболот на ПЕСАХ претставува симбол на новото раѓање и надеж за еден подобар свет во кој мирот, напредокот и соживотот ќе бидат универзални вредности. Денес, празникот ПЕСАХ е тука да нè потсети дека верата во Бога и духовните вредности се клучни фактори во создавањето на мирот и елиминирање на деструктивноста. Меѓусебното разбирање и цврстата верба во светлата иднина на секој човек се духовната сила која придонесува кон остварување на највисокиот идеал на слободата.

            Ви посакувам, овој голем празник да го поминете во мир и благосостојба, и нека овој голем еврејски празник во сите нас ја ослободи универзалната потребата да сакаме и да бидеме сакани.

            Хаг Песах самеах!

            Честит Песах!

                                                                                                     Директор

                                                                                           Оливера Трајковска