На настанот присуствуваа највисоки претставници на државните институции и јавниот живот. Меѓу гостите беа Претседателката на државата, Н.Е. Гордана Силјановска Давкова; претседателот на Собранието, г-дин Африм Гаши и градоначалникот на Град Скопје; министерот за здравство, г-дин Азир Алиу; г-дин Орце Ѓорѓиевски и градоначалникот на општина Тетово, г-дин Билал Касами. Меѓу присутните беа и преставници на верските заедници, министри и заменици-министри, претседатели на политички партии, градоначалници, амбасадори, ректори на универзитети и бројни претставници од општествениот и граѓанскиот сектор.

Во рамки на вечерата свое обраќање имаше Реисот, кој им посака добредојде на присутните и лесен пост, истакнувајќи дека Рамазан претставува месец на размислување, духовно приближување и заедничка одговорност. Тој подвлече дека единството, толеранцијата и соживотот се темелни вредности врз кои се гради стабилноста и перспективата на нашето општество.