Во далечната 1994 година со одлука на Светиот архиерејски синод е донесена одлука за основање на Европската епархија, по примерот на епархиите во САД и Австралија.

На празникот св. Прохор Пчински, на 01. 11. 2024 во Пјаченца - Р. Италија, на покана на митрополитот Европски г. Пимен, директорката на Комисијата за односи со верските заедници и религиозни групи   г - ѓа Оливера Трајковска  присуствуваше на неколкудневно чествување на триесетгодишниот јубилеј на епархијата.

 Митрополитот Европски г. Пимен  и митрополитот Тетовско-гостиварски г. Јосиф отслужија Светата архиерејска литургија во присуство на голем број свештенослужители од Европската епархија.

 На Литургијата присуствуваа  генералниот конзул на РМ во Р. Италија  г - ѓа Фросина Ременски, в.д амбасадорката во Рим г - ѓа Магдалена Матеска и многуброен верен народ од Италија, Австрија и Швајцарија.

 Денеска по триесет години заедништво, триесет години создавање и градење на темелите на верата и љубовта Европската епархија е олицетворение на една жива црковна заедница во која дише македонски дух.