Директорката на КОВЗРГ, г-ѓа Оливера Трајковска присуствуваше на празничното чествување на свети Никола во Штип.

 На покана на Неговото Високопреосвештенство - митрополитот брегалнички г. Иларион, денеска кога Црквата го празнува големиот христијански празник Св. Никола, директорката на Комисијата за односи со верски заедници и религиозни групи г - ѓа Оливера Трајковска присуствуваше на празнично чествување во црквата „Св. Никола“ во Штип.

Со Светата литургија чиноначалствуваше архиепископот охридски и македонски г. г. Стефан, во сослужение на митрополитот Европски г. Пимен, митрополитот Брегалнички г. Иларион и викарниот епископ Стобиски г. Јаков. По завршувањето на литургијата, се реализираше литија и беше осветен славски колач во присуство на градоначалникот г - дин Иван Јорданов, директорката на Комисијата и многуброен верен народ.