На ден 10.09.2025 година директорката на Комисијата за односи со верските заедници и религиозните групи г-ѓа Оливера Трајковска и директорот на Управата за санкции г-дин Александар Пандов ја посетија КПУ Затвор, Струмица ; во придружба на советничката Наташа Ниќифоровиќ од КОВЗ, раководителката на сектор од Управата за санкции, Христина Божиновска и отец Симеон Кантурски, претставник на Струмичката епархија.

Директорот на КПУ Затвор, Струмица Зоран Ристов и заменик директорката Наташа Лазарова Донева ги запознаа директорите со актуелната состојба во затворот и овозможија увид на објектите, који ги подготвуваат за затворениците.

Во рамки на затворот, во завршна фаза се малата црква посветена на "Св.Јустинијан" и објект наменет за затворениците од муслиманска вероисповед.

Целта на посетата е иницирање на капелански служби во затворите, за да процесот на ресоцијализација и дерадикализација биде поуспешен, а истовремено затворениците би го остаариле правото на достапна психолошка и духовна помош.