Директорот на КОВЗРГ, г. Даријан Сотировски го посети женскиот манастир „Пресвета Богородица - Пречиста“ во Кичево, познат како Крнински манастир.

На ден 19. 09. 2019 година, Директорот на Комисијата за односи со верските заедници и религиозни групи (КОВЗРГ) г. Даријан Сотировски во пресрет на манастирската слава го посети Пречистанскиот манастир „Пресвета Богородица - Пречиста“ во Кичево и оствари средба со старешината на манастирот, настојателката сестра Харитина. 

На средбата Директорот од страна на настојателката беше запознаен со превземените и извршени активностите на сестринството за развој на манастирскиот комплекс, беа посетени новоизградените делови во манастирот, а притоа се разговараше за огромниот напредок, како и за предизвиците со кои се соочува заедницата.