Директорот на Комисијата за односи со верските заедници и религиозни групи (КОВЗРГ) г. Даријан Сотировски во својот кабинет ја прими  екипата на МРТВ  и зеде учество во снимањето на  документарецот „Првото доаѓање на папата“. Директорот во своето излагање се осврна на интензивните подготовки во последните месеци околу посетата на папата,  за значењето кое го има за нашата држава, за односите кои со Ватикан ги негуваме со децении и векови, како и за меѓуверските односи во државата.