Митрополитот Тимотеј беше погребан на Плаошник

На 27.11.2024 лето Господово беше отслужена Заупокоена Литургија во црквата "Света Софија" во Охрид, во чест на упокоениот митрополит дебарско - кичевски Тимотеј, а неговото вечно почивалиште ќе биде во прегратките на Плаошник.

Со неизмерна тага се простивме со еден великодостоинственик на Светата црква.

Сета Црква - архиепископот, митрополитите, свештенството, претставници на државата и многуброен верен народ едногласно ја изговара " Вечнаја памјат" , со болка и надеж во срцата истовремено.

Дедо Тимотеј физички замина и остави огромна празнина, но, неговиот дух останува да живее во сите нас, кои достојно ќе го продолжиме неговото дело.

Вечнаја памјат владико, Бог нека ти дарува царство небесно!