Директорот на КОВЗРГ, г-ѓа Оливера Трајковска присуствуваше на одбележувањето на стогодишниот јубилеј на храмот „Света Петка“ во Скопје.

На 29 септември 2024 година беше одбележан столетниот јубилеј на црквата „Св. Петка“ во Црниче, Скопје.

 Директорот на Комисијата за односи со верските заедници и религиозните групи  присуствуваше на одбележувањето на јубилејот во чест и спомен на светителот Св Параскева - Св. Петка.

 По повод стогодишнината беше отслужена Света Боженствена Литургија на која чиноначалствуваше Неговото Блаженство, Архиепископот Охридски и Македонски г.г.Стефан и митрополитите г. Наум (Митрополит Струмички) и г. Агатангел (Митрополит Повардарски), а беше осветен и мал параклис во црковниот двор.

 Камен темелникот за изградба на  храм посветен на преподобна Параскева - Св. Петка е поставен во далечната 1904 година, додека за неполни дваесет години бил изграден прекрасен храм и осветен на 3 септември 1923 година.

Низ годините овој Божји дом го менуваше својот лик и благодарение на многу благочестиви христијани прерасна во велелепно здание.