На ден 31. 05. 2025 година, пред Неделата на светите отци, во археолошкиот локалитет "Стоби" беше отслужена Света Боженствена литургија, во знак на одбележување на 1700 години од Првиот вселенски собор. Со Светата Литургија чиночалствуваше Неговото Блаженство, Архиепископ Охридски и Македонски и на Јустинијана Прима г.г. Стефан во присуство на повеќе архиереји, бројно свештенство и многуброен верен народ.

На Литургијата присуствуваше и Директорката на Комисијата за односи со верските заедници и религиозни групи, г-ѓа Оливера Трајковска.

Првиот вселенски собор е одржан во 325 година во Никеја и на него присуствувле и тројца македонски епископи: Александар, Епископ на Солун; Будиј, Епископ на Стоби, и Дакиј, Епископ на Скупи.

Древното Стоби во кое епископот Будиј престојувал, се уште дише во духот на светите отци, навраќајќи не на минатото како живо сведоштво.