По повод 11 март - Денот на депортацијата на македонските Евреи, Директорката на КОВЗРГ, г-ѓа Оливера Трајковска присуствуваше на настаните од комеморативната програма во Штип и Скопје

Во рамки на одбележувањето на 11 март - Денот на депортацијата на македонските Евреи, Директорката на Комисијата за односи со верските заедници и религиозни групи (КОВЗРГ), г-ѓа Оливера Трајковска присуствуваше на комеморативните настани на кои се сеќаваме на најтрагичниот настан во историјата, кога 7144 Евреи од Македонија беа депортирани и погубени во логорите на смртта. Животот на 7144 македонски еврејски семејства згасна во најстрашните околности, многу детски очи не го видоа сонцето повторно и многу мајки за последен пат во прегратки ги држеа своите чеда.

 Во спомен на Холокаустот од страна на Еврејската заедница беше организирана три дневна комеморативна програма во градовите: Битола, Штип и Скопје. Директорката на КОВЗРГ, г-ѓа Оливера Трајковска присуствуваше на настаните од комеморативната програма во Штип и Скопје.

 Никогаш повеќе, никогаш да не се повтори, никогаш да не се заборави.