Во Струмица се одржа Годишниот прием на фондацијата „Елеуса“.

Директорката на Комисијата за односи со верските заедници и религиозните групи г - ѓа Оливера Трајковска вчера вечер присуствуваше на годишниот прием на фондацијата Елеуса во Струмица.

Фондацијата направи ретроспектива на активностите во изминатата 2024 година и повика на уште поголема хуманост во наредната година што претстои. Свое обраќање на настанот имаше и викарниот епископ г. Јаков Стобиски кој истакна дека ниту еден човек, ниту едно дете не заслужува да страда и затоа фондациите како Елеуса постојат за да дадат надеж и среќа во секој еден живот.

Елеуса ќе продолжи да шири љубов и да се води од своите императиви:

Љубовта е давање! Давањето е радост!