Директорот на КОВЗРГ, г. Даријан Сотировски присуствуваше на потпишувањето на амбасадорскиот грант за помош во конзервација и реставрација на манастирската црква „Пресвета Богородица-Елеуса“ во с. Вељуса, Струмичко.

На ден 27. 09. 2019 година, Директорот на Комисијата за односи со верските заедници и религиозни групи (КОВЗРГ) г. Даријан Сотировски присуствуваше на потпишувањето и на доделувањето на грантот од Амбасадорскиот фонд на САД наменет како помош за зачувување на манастирската црква „Пресвета Богородица-Елеуса“ во селото Вељуса, кај Струмица.

Договорот за користење на грантот во дворот на манастирот го потпишаа амбасадорката на САД во нашата земја, Н. Е. Кејт Мари Брнз и министерот за култура, г. Хусни Исмаили. На свеченоста гостите ги поздрави викарниот Епископ г. Јаков Стобиски, кој изрази голема благодарност до Амбасадата на САД.

Со постојната програма на Стејт департментот на САД, позната како Амбасадорски фонд за културна заштита, во наредните две години со доделените средства комплетно ќе се ревитализира манастирот.