Директорот на КОВЗРГ, г-ѓа Оливера Трајковска оствари прва средба со Поглаварот на ИВЗ, Реис ул Улема хаџи хфз. Шаќир ефенди Фетаи.

Директорот на Комисијата за односи со верски заедници и религиозни групи (КОВЗРГ) г-ѓа Оливера Трајковска денеска оствари средба со Поглаварот на Исламската верска заедница (ИВЗ)  Реис ул Улема хаџи хфз. Шаќир ефенди Фетаи во просториите на ИВЗ.

Официјалната посета на директорот на Комисијата за односи со верските заедници и релиозните групи беше од слободен карактер и имаше за цел меѓусебно запознавање и споделување на досегашни искуства, како и идни соработки на полето на верската толеранција и соживот.

Мултиетничкото општество е спој на различни култури и етникуми, аналогно на тоа и спој на различни верски заедници кои манифестираат свој белег преку слободно изразување на своите верски права и слободи.

Стабилно, просперитетно и толерантно опкружување е заедничка желба на сите верски заедници и токму затоа сите стремежи на Комисијата за односи со верските заедници и религиозните групи се насочени кон конструктивни дијалози и соработки.

Реисот ул Улема хаџи хфз. Шаќир ефенди Фетаи изрази благодарност за досегашната соработка и најави продолжување на истата во континуитет, со цел сите заеднички да учествуваме во градењето и негувањето на едно општество исполнето со мир и меѓусебна почит.