Директорот на КОВЗРГ г-дин Даријан Сотировски испрати телеграма со благодарност до г-ѓа Берта Романо Николиќ за целокупниот нејзин придонес и соработка со КОВЗРГ за време на нејзиниот мандат како претседател на ЕЗРМ

Директорот на Комисијата за односи со верските заедници и религиозни групи (КОВЗРГ) г. Даријан Сотировски упати телеграма со благодарност до г-ѓа Берта Романо Николиќ за целокупниот нејзин придонес и соработка со КОВЗРГ за време на нејзиниот мандат како претседател на ЕЗРМ.

ТЕЛЕГРАМА

Со оглед на завршувањето на Вашата посветена и долгогодишна служба како претседател на Еврејската заедница во Република Македонија, дозволете да истакнам дека Вие оставивте траен белег во меѓуверскиот живот и дијалог во Македонија, силно поддржувајќи ги сите напори за прогрес и меѓучовечка отвореност, надминување на стереотипите и предрасудите, вградувајќи ги своите лични морални и етички вредности во застапувањето на барањата и целите на Вашата заедница.

Како директор на македонската државна Комисија за односи со верските заедници и религиозни групи од името на институцијата и од свое лично име сакам да ја изразам благодарноста за Вашиот придонес, ангажман и соработка.

Ви посакувам одлично здравје!