Директорот на КОВЗРГ, г-дин Даријан Сотировски го посети храмот во Брвеница.

На ден 21. 01. 2020 година Директорот на Комисијата за односи со верските заедници и религиозни групи (КОВЗРГ), г-дин Даријан Сотировски, на покана на Митрополитот Тетовско-гостиварски г. Јосиф, а во придружба на Архиепископот охридски и македонски и на Јустинијана Прва г. г. Стефан и на деканот на Православниот богословски факултет „Свети Климент Охридски“ во Скопје, проф. д-р Ѓоко Ѓорѓевски го посети велелепниот храм „Свети Атанасиј Велики“ во Брвеница, кој изминатиов период беше во фаза на обнова и проширување.

Од страна на Директорот за време на посетата беше нагласено дека и во иднина ќе се продолжи да се искажува целосна институционална подршка за потребите на црковната општина.

Во наредниот период следи внатрешно уредување на храмот, како и уредување на црковниот двор.