Се спроведе еколошката акција „Администрацијата чисти со граѓанската организација ‘Не биди ѓубре'“

Вработените во јавната администрација и службениците во Град Скопје, денеска ја спроведоа акцијата „Администрацијата чисти со граѓанската организација ‘Не биди ѓубре’“.

Неколку илјади административни службеници, заедно со премиерот Заев и сите министри во Владата, во координација со граѓанските активисти денеска собираа смет и други отпадоци.  Со оваа акција беше одработен 2 јануари 2019 г., кој согласно одлуката на Владата беше прогласен за неработен.

Директорот на Комисијата за односи со верските заедници и религиозни групи (КОВЗРГ),  г-дин Даријан Сотировски заедно со вработените еколошката акција ја спроведоа  во кругот на храмот „Света Петка“ и во неговата непосредна близина во општина Кисела Вода.